პროდუქტები, რომლებიც ადამიანს კორონავირუსთან ბრძოლას უადვილებს

პროდუქტები, რომლებიც ადამიანს კორონავირუსთან ბრძოლას უადვილებს - ესპანელი ექიმების რჩევა

COVID-19 - 18:27, 16 Jun, 2020

786

ესპანელი ექიმები ამტკიცებენ, რომ გარკვეული პროდუქტების სისტემატიური მიღება ადამიანებს კორონავირუსთან ბრძოლას უადვილებს და მათ დაავადება უფრო მარტივად გადააქვთ. ისინი აცხადებენ, რომ უპირველეს ყოვლისა ეს პროდუქტები ადამიანის ფილტვებს იცავენ.

ესპანური La Vanguardia-ს ინფორმაციით, დიეტოლოგი ალეხანდრო კანოვასი და პულმენოლოგიისა და ტორაკალური ქირურგიის საზოგადოების ხელმძღვანელი ეუსები ჩინერი მოსახლეობას გარკვეულ რეკომენდაციებს აძლევენ.

პირველ რიგში, აცხადებენ ისინი, აუცილებელია ძილის რეჟიმის დაცვამ ფიზიკური დატვირთვები და სწორი კვება.

კანოვასის თქმით, რამდენიმე პროდუქტი აუცილებელია, რომ ადამიანის კვების რაციონში იყოს. ერთერთი ასეთი პროდუქტია კვერცხი, რომელიც შეიცავს ცხიმის დამადნობელ ვიტამინებს, მაგალითად A ვიტამინს და მაღალხარისხიან ცილებს.

გარდა ამისა, დიეტოლოგები გვირჩევენ მივირთვათ ბრინჯი, რომელიც ხელს უწყობს ნაწლავური სისტემის მიკროორგანიზმების სწორ ფუნქციონირებას, აძლიერებს იმუნურ სისტემას და ფილტვების მუშაობაზეც ახდენენ ზეგავლენას.

განსაკუთრებით სასარგებლოა თევზეული, რომელიც ომეგა-3-სა და ომეგა-6-ს შეიცავს. არ იქნება ურიგო, თუ მას კვირაში სამჯერ მივიღებთ. ომეგა-3, რომელსაც ანთების საწინააღმდეგო თვისებები აქვს, პირდაპირ ახდენს ადამიანის ყველა ორგანოზე გავლენას.

ასევე მნიშვნელოვან გავლენას ახდენს ორგანიზმზე ზეითუნის ზეთი, ავოკადო ან ნიგოზი, რომლებიც ანტიოქსიდანტები არიან.