ახალი შემთხვევები არ გვაქვს, მაგრამ ეს სიმშვიდის მოპოვებას არ ნიშნავს

ახალი შემთხვევები არ გვაქვს, მაგრამ ეს სიმშვიდის მოპოვებას არ ნიშნავს - ეზუგბაია მოსახლეობას აფრთხილებს

COVID-19 - 11:19, 16 Jun, 2020

763

საქართველოში ბოლო 24 საათში კორონავირუსის ახალი შემთხვევა არ გამოვლენილა - ამის შესახებ მედიას ინფორმაცია თბილისის ინფექციური საავადმყოფოს სამედიცინო დირექტორმა, მარინა ეზუგბაიამ მიაწოდა.

მისი თქმით, ბოლო დღე-ღამეში ვირუსისგან განკურნებული 20 პაციენტიდან, 10 ინფექციურ საავადმყოფოში მკურნალობდა.
მიუხედავად პოზიტიური მაჩვენებლისა, ეზუგბაია მოსახლეობას კიდევ ერთხელ ახსენებს, რომ ეს სიმშვიდის მოპოვების საფუძველი არ არის:

„ახალი შემთხვევა არ გყვავს - კვლავ 879 დადასტურებული შემთხვევა გვრჩება ქვეყანაში. 20 გამოჯანმრთელებული გყვავს გუშინდელს მერე და ახლა 724-ია. ამ მონაცმეებით, 141 პაციენტი მკურნალობს კოვიდ ცენტრებში. ახალი შემთხვევის არ ქონა არ ნიშნავს სიმშვიდის მოპოვებას. ისევე უნდა ვიცხოვროთ, როგორც ვცხოვრობდით - რეგულაციები არსად არ წასულა. ეს მოდუნების საშუალებას არ გვაძლევს. კვლავ რჩება სოციალური დისტანცირების საკითხი და პირადი ჰიგიენის დაცვა.

გამოჯანმრთელებულთა რაოდენობა 20-დან 10 ჩვენი კლინიკიდანაა და ამ ეტაპზე, 31 პაციენტი მკურნალობს ჩვენთან. 1 პაციენტი რჩება მძიმე, რომლის დინამიკა დადებითია, ვიმედოვნებთ ხვალიდან ამოვიღებთ მძიმე პაციენტთა სიიდან. დანარჩენი პაციენტები მსუბუქი და საშუალო სიმძიმისაა“, - განაცხადა ეზუგბაიამ.

ინფექციური საავადმყოფოში ამჟამად კოროანვირუსით ინფიცირებული ერთი მძიმე პაციენტი იმყოფება.