საქართველოში კორონავირუსით დაღუპული მე-14 პაციენტის 66 წლის მამაკაცია. თბილისის პირველ საუნივერსიტეტო კლინიკაში აცხადებენ, რომ ბიოლოგიური სიკვდილი დაფიქსირდა და მას ბოლო პერიოდში ვირუსი აღარ უდასტურდებოდა, თუმცა განვითარებული ქრონიკული დაავადებების ფონზე მისი სიცოცხლის შენარჩუნება ვეღარ მოხერხდა. "ნიუპოსტის" ინფორმაციით, მამაკაცი 4-აპრილს გადაიყვანეს სეფსისის ცენტრიდან. მამაკაცი კლინიკის რეანიმაციულ განყოფილებაში დაახლოებით 50 დღე მკურნალობდა, თუმცა მისი გადარჩენა ვერ მოხერხდა.

66 წლის მამაკაცი ე.წ. "ეროვნული ბანკის კლასტერს" მიეკუთვნებოდა. ის ბანკის საცავში მუშაობდა.

პაციენტის ბიოლოგიური სიკვდილი პოლიორგანული უკმარისობის გამო დადგა.