ამერიკულ კინოკლასიკად მიჩნეული, 8 ოსკარის მფლობელი და აშშ-ის ყველაზე საკასო ფილმი “ქარწაღებულნი” „ამაზონის“ რეიტინგში ლიდერობს მას შემდეგ, რაც HBO Max-მა ის თავისი ჩვენების სიიდან ამოიღო „მონობის რომანტიზების“ და ეთნიკური და რასობრივი ცრურწმენების დანერგვის გამო. ფილმის მიმართ ინტერესი სწორედ ამ ფაქტის შემდეგ გაიზარდა და „ქარწაღებულნი“ გაყიდვების რეიტინგის ლიდერთა შორის არა მხოლოდ „ამაზონზე“, არამედ iTunes-Apple-ის ხუთეულშიც მოხვდა.

შეგახსენებთ, რომ HBO-მ “ქარწაღებულნი” დროებით ონლაინ ჩვენების სიიდან 10 ივნისს ამოიღო. ფილმში მთავარ როლებს ვივიენ ლი და კლარკ გეიბლი ასრულებენ.

კომპანიამ გაავრცელა განცხადება, რომლის მიხედვითაც ის უერთდება დანარჩენ მედია კომპანიებს, რომლებმაც წინააღმდეგობრივი ფილმები და სერიალები საჩვენებელი სიებიდან ამოიღეს. ეს პასუხია შეერთებულ შტატებში მზარდ რასობრივ მგრძნობელობაზე, რომელიც შესაძლოა სხვადასხვა ჯგუფებს შორის დაპირისპირებას აღვივებდეს.

"ეს ფილმი სამოქალაქო ომამდელ მონათმფლობელურ ამერიკის სამხრეთს უკეთებს პოპულარიზებას, მასში მონაწილე ფერადკანიანები "კმაყოფილი" არიან თავისი ცხოვრებით და ბატონების ერთგულნი რჩებიან, მონობის გაუქმების შემდეგაც. ეს ფილმი აკანონებს სტერეოტიპებს, რომელიც მცდარი იყო მაშინაც და მცდარია ახლაც. ამასთან, ფილმში თავის დროზე საუკეთესო ამერიკელი მსახიობები მონაწილეობენმ რომლებიც არსებულ სიტუაციას პოეტიზირებულ ხდიან." - აცხადებს სცენარსტი ჯონ რიდლი.

ასევე ცნობულია, რომ CBS-მა აღარ გააგრძელა დოკუმენტური სერიალის “პოლიციელები” კონტრაქტი, რომელიც 32 სეზონი გადიოდა. “ნეტფლიქსმა” სერიალი “პატარა ბრიტანეთი” გააუქმა.