11 ნოემბერს, დიდი ბრიტანეთის ასობით მოქალაქე, მეორე მსოფლიო ომის, მარტოხელა ვეტერანის, ჰერალდ პერსივალის დაკრძალვაზე მივიდა. 99 წლის ასაკში გარდაცვლილი პერსივალი, მოხუცთა ბრიტანულ თავშესაფარში ცხოვრობდა, იუწყება Agence France-Presse.

ინგლისის ჩრდილო-დასავლეთით, ადგილობრივ გაზეთში გამოქვეყნდა განცხადება, რომელშიც ნათქვამი იყო, რომ სამეფო სამხედრო-საჰაერო ძალების ვეტერანის დაკრძალვაზე, შესაძლოა, არავინ მივიდეს. ამის შემდეგ, კრემატორიუმთან ხალხი მოგროვდა.

განცხადება სოციალური ქსელებით საწრაფად გავრცელდა, რასაც ასობით ადამიანი გამოეხმაურა, მათ შორის სამხედრო მომსახურეების მშობლები ბავშვებთან ერთად და სხვა ვეტერანები.

ადგილობრივი კრემატორიუმის შენობამ, პერსივალთან გამომშვიდობების მსურველები ვერ დაიტია, ამიტომ რამდენიმე ასეული ადამიანი, ყვავილებით ხელში, ქუჩაში წვიმაში იდგა.

გარდაცვლილის ერთადერთმა ნათესავმა, მისმა დისშვილმა ანდრე კოლერ-ვორსელმა განაცხადა, რომ საგაზეთო პუბლიკაციის შემდეგ, რამდენიმე ადამიანის მოსვლას ელოდა. მისი თქმით, ის „შოკშია“ არაგულგრილი ადამიანების რაოდენობით.

დაკრძალვაზე წუთიერი დუმილით პატივი მიაგეს სხვადასხვა ომში დაღუპულ ყველა ბრიტანელს. დიდ ბრიტანეთში ხსოვნის დღეს 11 ნოემბერს  - პირველი მსოფლიო ომის დასრულების დღეს აღნიშნავენ.

პერსივალი ომის დროს ბომბდამშენების სახმელეთო უზრუნველყოფას ემსახურებოდა. როგორც მისი დისშვილი ყვება, პერსივალი არ იყო გმირი, მაგრამ ის პატიოსნად ემსახურებოდა თავის ქვეყანას მისთვის მძიმე დღეებში.