სიეტლის მერმა , ჯენი დერკანმა აშშ-ს პრეზიდენტის განცხადებას წესრიგის დამყარებასთან დაკავშირებით ტვიტერზე უპასუხა. მან აღნიშნა, რომ ტრამპმა უნდა შეწყვიტოს ადგილობრივი ხელისუფლებისთვის მოწოდებები, რითაც პროცესის რადიკალიზმს უწყობს ხელს.

„დაიცავი უსაფრთხოება და დაუბრუნდი შენს ბუნკერს“ - განაცხადა დურკანმა.

რამდენიმე საათით ადრე დონალდ ტრამპმა მოუწოდა სიეტლის მერს ემოქმედა ადეკვატურად და შიდა ტერორისტების ამბოხი ჩაეხშო ქალაქში, დაემყარებინა წესრიგი და აღედგინა უსაფრთხო გარემო ქალაქში, წინააღმდეგ შემთხვევაში კი პრეზიდენტმა დადო პირობა, რომ იგი საკუთარ თავზე აიღებდა ლიდერის ფუნქციებს და ადმინისტრაცია გადაწყვეტდა თუ როგორ უნდა აღდგენილიყო წესრიგი.

შეგახსენებთ, რომ ჯორჯ ფლოიდის გარდაცვალების შემდეგ ამერიკა მასობრივმა ქაოსმა მოიცვა, დღემდე აქტიურად ფიქსირდება ძარცვისა და დარბევის ფაქტები მთელი ქვეყნის მასშტაბით. ხშირია შემთხვევები ისტორიული პიროვნებები ძეგლების მიმართ ვანდალისტური ქმედებების განხორციელების, რომელთაც დემონსტრანტები ადანაშაულებენ რასისტულ პოლიტიკასა და დისკრიმინაციულ პოლიტიკაში შავკანიანი მოსახლეობის მიმართ.