რუსეთში კორონავირუსით ინფიცირებულთა და გარდაცვლილთა რაოდენობა ყოველდღიურად მასშტაბურად იზრდება. ბოლო 24 საათში 8779 ადამიანი დაავადდა კოვიდ 19-ით, ხოლო 174 პაციენტის შემთხვევა ფატალურად დასრულდა.

საერთო ჯამში, სულ ნახევარ მილიონზე მეტი ადამიანია ინფიცირებული, რომელთაგან 6532 ადამიანი დაიღუპა. ვირუსი დაამარცხა 261 150-მა მათგანმა, ხოლო 234 754 კი ამ დრომდე გადის აქტიურ მკურნალობას საავადმყოფოებში.

ადგილობრივი მედიისა და არასამთავრობო ორგანიზაციათა ინფორმაციით, გარდაცვლილთა და ინფიცირებულთა რაოდენობა სამჯერ მეტია, ვიდრე ამას ოფიციალური უწყებები ამცნობენ საზოგადოებას. აღმოსავლეთ რუსეთში დაღუპულთა რიცხვი გაცილებით მეტია, ხშირია შემთხვევები, როდესაც საავადმყოფოებში კოვიდ ინფიცირებულებს გარდაცვალების მიზეზად უწერენ სიმსივნეს, გულის შეტევებსა და ფილტვების ანთებას.