მსოფლიო ჩემპიონის, გიორგი კანდელაკის შვილის, თარაშ კანდელაკისთვის ბრალი ამ დრომდე არ წარუდგენიათ. “ნიუპოსტის” კორესპონდენტის ცნობით, საქმის მასალების გასაცნობად მისი უფლებადამცველი შიდა ქართლის პოლიციის დეპარტამენტის გორის რაიონულ სამმართველოში ცოტა ხნის წინ იმყოფებოდა.

მისი ინფორმაციით, დაზიანებები კანდელაკსაც აღენიშნება და მას უკვე ჩაუტარდა შესაბამისი ექსპერტიზა.

ადვოკატის განცხადებით, გავრცელებული ინფორმაცია, თითქოს და დანაშაული ჯგუფურად იქნა ჩადენილი, სიმართლეს არ შეესაბამება და ინცინდენტის დროს თარაშ კანდელაკი თანმხლები პირის გარეშე იმყოფებოდა.

მანელიძეს არ დაუკონკრეტებია მისი დაცვის ქვეშ მყოფის პოზიცია და უცნობია, აღიარებს თუ არა ის შესაძლო დანაშაულის ჩადენას. მანელოძე ირწმუნება, რომ ინციდენტს არ ჰქონია მამოძრავებელი წინაპირობა, რაც განზრახ ჩადენას გამორიცხავს.

ადვოკატის განცხადებით, კანდელაკების ოჯახისთვის ამ ეტაპზე უმნიშვნელოვანესია ერეკლე თედლიაშვილის ჯანმრთელობის მდგომარეობა. კანდელაკს პროკურატურა სავარაუდოდ ბრალს ხვალ დილოთ წარუდგენს, რის შემდეგაც აღმკვეთ ღონისძიებაზე გორის რაიონული სასამართლო იმსჯელებს.