არავინ იცის, იქნება თუ არა მეორე ტალღა და რა სიძლიერის, რადგან ჯერ ვერ გაირკვა, ახასიათებს თუ არა კორონავირუსს სეზონურობა

არავინ იცის, იქნება თუ არა მეორე ტალღა და რა სიძლიერის, რადგან ჯერ ვერ გაირკვა, ახასიათებს თუ არა კორონავირუსს სეზონურობა - თენგიზ ცერცვაძე

COVID-19 - 19:01, 10 Jun, 2020

692

არავინ იცის, იქნება თუ არა მეორე ტალღა და რა სიძლიერის, რადგან ჯერ ვერ გაირკვა, ახასიათებს თუ არა კორონავირუსს სეზონურობა - ამის შესახებ თბილისის ინფექციური საავადმყოფოს დირექტორმა თენგის ცერცვაძემ განაცხადა.
ცერცვაძის თქმით, საქართველოს მაგალითით შეიძლება ითქვას, რომ კორონავირუსს სეზონურობა ახასიათებს, მაგრამ მსოფლიო მაგალითი საწინააღმდეგოზე მეტყველებს.
„რაც შეეხება მეორე ტალღას, ნურავის ნუ ენდობით 100 პროცენტით, ეს იქნება ჯანდაცვის მსოფლიო ორგანიზაციის გენერალური დირექტორი, ამერიკის დაავადებათა კონტროლის ცენტრის დირექტორი, პრეზიდენტი, თუ გამოცდილი ექიმი ან ეპიდემიოლოგი. სინამდვილეში, არავინ არ იცის მეორე ტალღა იქნება თუ არა და რა სიძლიერის იქნება, რადგან ჯერ ვერ გაირკვა ორი მთავარი რამ – კორონავირუსს ახასიათებს სეზონურობა, თუ არა. საქართველოს მაგალითზე თითქოს ახასიათებს, მაგრამ მსოფლიოს მაგალითზე – არა. თუ საქართველოში ახასიათებს სეზონურობა, სომხეთი აქვე არ არის? იქ რატომ არ ახასიათებს სეზონურობა, პირიქით რატომ იზრდება? ანუ, გაუგებარი დარჩა, სეზონურობა ახასიათებს თუ არა და მეორე, ის ტოვებს თუ არა მყარ იმუნიტეტს. ამ ორი მნიშვნელოვანი ფაქტის გარეშე, ყველაფერი არის მარჩიელობა და ვარაუდი, იქნება თუ არა მეორე ტალღა.“,- განაცხადა ცერცვაძემ.