ირანის ჯანდაცვის უწყების წარმომადგენელმა სენსაციური განცხადება გააკეთა ქვეყანაში ინფიცირებულ ადამიანთა რაოდენობასთან დაკავშირებით. მისი თქმით, კოვიდ 19-ისგან საერთო ჯამში შესაძლოა, 15 მილიონამდე მოქალაქე იყოს დაავადებული თებერვლიდან მოყოლებული დღემდე.

ირანში არსებული კოვიდ 19-თან მებრძოლი სამუშაო ჯგუფის ერთ-ერთმა ხელმძღვანელმა, ეჰსან მოსტაფავიმ აღნიშნა, რომ რეალური ციფრები კორონავირუსით ინფიცირებულ პაციენტებთან დაკავშირებით შესაძლოა კარდინალურად განსხვავებული იყოს.

ეს კი ნიშნავს იმას, რომ ვირუსი ნაკლებად ლეტალურია, ვიდრე ეს მსოფლიოს მიერ იყო შეფასებული.

მოსტაფავის თქმით, აღნიშნული მონაცემები სეროლოგიური ტესტების საფუძველზე დგინდება. მისი თქმით, 18. 75 %-ს ადამიანებისა, რომელთაც კორონავირუსზე კვლევები ჩაუტარეს აღმოაჩნდათ კოვიდ 19-ის ანტისხეულები, რაც ნიშნავს იმას, რომ ირანელთა დიდი ნაწილი დაინფიცირდა კორონავირუსისგან, თუმცა ფარული პროცესის ფონზე მათ გამოჯანმრთელება ისე მოახერხეს, რომ ამის შესახებ არც კი იცოდნენ.