სხვადასხვა მტკიცებულებები კორონავირუსის განსხვავებულ წყაროზე საუბრობენ. ერთის მხრივ აღინიშნება, რომ კორონავირუსმა გავრცელება გასულ წელს დაიწყო, ხოლო მეორეს მხრივ საუბარია იმაზე, რომ რესპირატორული ვირუსი შესაძლოა უფრო ადრეც წარმოიშვა, თუმცა განსხვავებული ფორმითა და მახასიათებლებით. ჰარვარდის სამედიცინო სკოლის კვლევები კი დადასტურებულად აღნიშნავენ, რომ ვირუსი იმაზე გაცილებით ადრე გავრცელდა, ვიდრე ოფიციალურმა ჩინეთმა კოვიდ-19-ის პირველი შემთხვევა დააფიქსირა.

უნივერსიტეტის მკვლევარები დააკვირდნენ სატელიტის მიერ 2019 წლის სექტემბერში ვუჰანის 6 მთავარ ჰოსპიტალზე გადაღებულ ფოტოებს. აღსანიშნავია ობიექტების ტერიტორიაზე დაპარკინგებული მანქანების „დრამატული მატება“.

_{*Zhongnan-ის საავადმყოფოზე გადაღებული ფოტოები}

დეკემბრის თვეში საავადმყოფოებში მოძრაობა გახშირდა. ამ დროისთვის უკვე იწერებოდა, რომ გავრცელდა ინფექცია, რომელიც იწვევს პნევმონიას. თუმცა, 2019 წლის სექტემბერსა და ოქტომბერში ექვსიდან ხუთ საავადმყოფოში დაფიქსირდა მიღების ყველაზე მაღალი მაჩვენებელი. „რაღაც ხდებოდა ოქტომბერში“ - აღნიშნავს Brownstein-ის ჯგუფი. ის, რასაც ჩვენ ვაკეთებთ არის საავადმყოფოების დატვირთულობაზე დაკვრივება. ამას ჩვენ ვაკეთებთ მანქანების დათვლით. საპარკინგე ადგილები ივსება, როდესაც საავადმყოფო მეტად გადატვირთულია. შესაბამისად, ბევრი მანქანა საავადმყოფოში ნიშნავს, რომ ჰოსპიტალი დატვირთულია, ინფექცია ვრცელდება და ხალხს სჭირდება ექიმთან ვიზიტი. ჩვენ ეს ვნახეთ არაერთ დაწესებულებაში“.