ნიგერიის ჩრდილო-აღმოსავლეთში განხორციელებულ ჯიჰადისტების თავდასხმას 59 ადამიანი ემსხვერპლა

შეიარაღებულმა მამაკაცებმა სოფელ ფადუმა კოლორამში, ბორნოს შტატში მოტოკიცლეტებიდან და ავტომობილებიდან გახსნეს ცეცხლი, რა დროსაც მოხდა აღნიშნული მკვლელობა.

გავრცელებული ინფორმაციით, აღნიშნული თავდასხმა ტერორისტული დაჯგუფება ბოკო-ჰარამის მიერაა განხორციელებული. ადგილობრივი მედიის განცხადებით, სოფლის მოსახლეობა იმის გამო დასაჯეს, რომ მათ სახელმწიფო უსაფრთხოების ძალებს ჯიჰადისტი მებრძოლების ადგილმდებარეობის შესახებ ინფორმაცია მიაწოდეს. ერთ-ერთი ვერსიით, ეს თავდასხმა იყო შურისძიება იმის გამო, რომ ადგილობრივმა შეიარაღებულმა გლეხებმა გასამხედროებული ფორმირების მებრძოლები მაშინ მოკლეს, როდესაც ისინი საქონლის გატაცებას ცდილობდნენ.

ერთ-ერთი ვერსიით, თავდასხმა განხორციელებულია ტერორისტული დაჯგუფება ბოკო-ჰარამის მიერ, რომელმაც 2014 წელს 270 სკოლის მოსწავლე გოგონა გაიტაცა.

მარტის თვეში ზემოხსენებულმა დაჯგუფებამ ჩასაფრება მოუწყო ნიგერიის არმიას და 47 მებრძოლი მოკლა, შემდეგ დღეს კი 100 სამხედრო ჩადში.