რუსეთში წყვილი მკვლელობის ბრალდებით გაასამართლეს მას შემდეგ, რაც მათ 4 დღიანი ღრეობა-ქეიფი გამართეს კარანტინის განმავლობაში და 16 კვირის ტყუპები კი უმეთვალყურეოდ საკვებისა და სასმელის გარეშე სახლში დატოვეს.

მათი ვაჟი კომაში იყო როდესაც საავადმყოფოში გადაიყვანეს, თუმცა მისი გადარჩენა ექიმებმა ვერ მოახერხეს. გავრცელებული ინფორმაციით, უმძიმეს მდგომარეობაში მყოფი ბავშვები სახლში ბებიამ აღმოაჩინა.

წყვილის ქალიშვილი, რომელმაც შიმშილისა და უწყლობისგან გონება დაკარგა, სიცოცხლისთვის იბრძვის რუსეთის კამჩატკის რეგიონში არსებულ ადგილობრივ საავადმყოფოში.

იმ პერიოდში, როდესაც წყვილი გასართობად იმყოფებოდა, დედამ- 23 წლის მარგარიტა იანაიევამ მოატყუა თავისი მეგობრები და განუცხადა, რომ შვილებს კორონავირუსი აღმოაჩნდათ და საავადმყოფოში იმყოფებოდნენ.

23 წლის ქალსა და 35 წლის მამაკაცს 20 წლით თავისუფლების აღკვეთა ემუქრებათ უმწეო ახალშობილი ტყუპების მკვლელობის ბრალდებით. ექიმების განცხადებით, ორივე ბავშვის გონების დაკარგვისა და ახალშობილი ბიჭის გარდაცვალების მიზეზი 4 დღიანი გაუწყლოვანება გახდა.