ახალი ზელანდია გახდა ერთ-ერთი პირველი სახელმწიფო, რომელმაც კორონავირუსი სრულად დაამარცხა. კოვიდ 19-ისგან უკვე უკანასკნელი ინფიცირებული პაციენტიც განიკურნა. ამის შესახებ ქვეყნის პრემიერ-მინისტრმა, ჯასინდა არდერნმა განაცხადა.

მან სატელევიზიო მიმართვის დროს აღნიშნა, რომ კმაყოფილია კორონავირუსის დამარცხებით, თუმცა აგრეთვე იმაშია დარწმუნებული, რომ კორონავირუსის ახალი შემთხვევებიც დაფიქსირდება ქვეყანაში.

„ჩვენ კმაყოფილი ვართ, რომ აღვკვეთეთ ვირუსის გავრცელება ახალ ზალანდიაში ახლა, მაგრამ ეს პროცესი მუდმივად უნდა გავრცელდეს და შეკავების ტენდენცია მომავალშიც უნდა შევინარჩუნოთ. მე არ მინდა ვთქვა კიდევ ერთხელ, რომ ჩვენ არ გვექნება ინფიცირების შემთხვევები, მაგრამ ეს არ იქნება იმის მანიშნებელი რომ ჩვენ დავმარცხდით, ეს არის ვირუსით შექმნილი რეალობა. ეს როცა მოხდება ჩვენ უნდა ვაჩვენოთ თუ როგორი მომზადებულები ვართ.

ორშაბათს დაფიქსირდა პირველი შემთხვევა, როდესაც თებერვლის შემდეგ არ აღნიშნულა ინფიცირების არც ერთი შემთხვევა.

შეგახსენებთ, რომ ახალ ზელანდიაში კორონავირუსისგან ინფიცირების 1504 შემთხვევა აღინიშნა, რომელთაგან 22 ადამიანი გარდაიცვალა, ხოლო 1482 სრულად გამოჯანმრთელდა, ამ დროისთვის არც ერთი დაავადებული პაციენტი არ იმყოფება კლინიკებში.