სომხეთის პირველი პირი და მისი ოჯახის წევრები კორონავირუსისგან გამოჯანმრთელდნენ. ამის შესახებ ნიკოლ ფაშინიანმა განაცხადა.

შეგახსენებთ, რომ პირველ ივნისს გავრცელდა ინფორმაცია ფაშინიანის, მისი მეუღლისა და შვილების კოვიდ 19-ით ინფიცირების შესახებ ინფორმაცია.

„ახლახან მივიღეთ განმეორებითი ტესტირების შედეგები. პასუხები უარყოფითია. გუშინაც უარყოფითი პასუხები იყო. ახლა მთავარია, რომ ჯანმრთელები და განკურნებულები ვართ“ - აღნიშნა ფაშინიანმა.

შეგახსენებთ, რომ სომხეთში კორონავირუსის გავრცელების მხრივ უმძიმესი მდგომარეობაა. საერთო ჯამში ინფიცირებულთა რიცხვი 13 325-ია, რომელთაგან 211 ფატალური აღმოჩნდა. მთავრობის მაღალჩინოსანთა განცხადებით, იმდენად დიდია ინფექციის გავრცელების მასშტაბი, რომ ვერ ახერხებენ ინფიცირებულთა სრული რაოდენობის ჰოსპიტალიზებას. ფაშინიანის თქმით, იყო შემთხვევები, როდესაც პაციენტები ელოდებოდნენ ჰოსპიტალებში საწოლების განთავისუფლებას, რათა მიეღოთ შესაბამისი მკურნალობა. სწორედ ესეთ სიტუაციის გამო მოლოდინის რეჯიმში მყოფი 2 ადამიანი გარდაიცვალა, რომელთაც დროულად ვერ აღოუჩინეს დახმარება.