60 წლის ავსტრალიელი სერფერი მამაკაცი, რომელსაც 10 ფუტიანმა ზვიგენმა უკბინა, მძიმე ჭრილობების ფონზე გარდაიცვალა.

ავსტრალიის სერფერთა მაშველმა ორგანიზაციამ თავის სოციალურ ქსელში დაწერა, რომ ქუინსლენდელი მამაკაცი „მარილიან სანაპიროსთან“ იმყოფებოდა და სერფერობდა, რა დროსაც მოხდა უბედური შემთხვევა.

კვირას 10 საათისთვის, როდესაც ცნობილი გახდა პოლიციისა და სასწრაფო სამაშველოსთვის მომხდარის შესახებ, რამდენიმე სერფერი კატერებით გაემართა უბედური შემთხვევის ადგილზე, თუმცა მათ ადგილზე განსხვავებული ვითარება დახვდათ- ზვიგენი უკან არ იხევდა და მაშველებს მისი მოგერიება მოუხდათ, რის შემდეგაც დაშავებული ნაპირზე გაიყვანეს. აღმოჩნდა, რომ მას უმძიმესი ჭრილობები ჰქონდა ცალ ფეხზე ბარძაყი თითქმის სრულად მოგლეჯილი ჰქონდა მამაკაცს "დიდი თევზის" თავდასხმის შედეგად.

გავრცელებული ინფორმაციით, მსხვერპლს დახმარება აღმოუჩინეს, თუმცა ეს საკმარისი არ გამოდგა მისი სიცოცხლის შესანარჩუნებლად- იგი ნაპირზე გამოყვანის შემდეგ რამდენიმე წუთში გარდაიცვალა.