დღეიდან საქალაქთაშორისო მოძრაობა აღდგა - დიდუბეში, ავტოსადაგურ „ოკრიბაში“ მისულ მგზავრებს გამგზავრებამდე დეზინფექციის გასავლელად სპეციალურად მოწყობილ კაბინაში გავლა და თერმოსკრინინგის შემოწმება უწევთ.

ავტოსადგურის მთავარი ბუღალტერის, მარიამ ელბაქიძის თქმით, მოწყობილია სპეციალური აპარატი, რომელშიც მგზავრები გადიან დეზინფექციას, რის შემდეგაც ისინი ტრანსპორტში ადიან.

რაც შეეხება ფასს, მისი თქმით, გამონაკლისი მიმართულებების გარდა, მგზავრობაზე ძირითადად ძველი ფასია დარჩენილია.