გაერო დაღუპულთა რიცხვის გაზრდას მოელის. ორგანიზაციის გენერალურმა მდივანმა საერთაშორისო საზოგადოებას ფილიპინების დახმარებიკენ მოუწოდა.

გაეროს მონაცემებით, კაცობრიობის ისტორიაში ერთ-ერთი უძლიერესი ტაიფუნის შედეგად, ფილიპინებზე 10 მილიონამდე ადამიანი დაზარალდა. მონაცემების მიხედვით, მხოლოდ კუნძულ ლეიტეზე, ტაიფუნ „ჰაიანის“ მსხვერპლმა 10 ათას კაცს მიაღწია.

ორშაბათს, 11 ნოემბერს, „ჰაიანმა“ ვიეტნამის სანაპიროებს მიაღწია. ტაიფუნის სიმძლავრემ მნიშვნელოვნად იკლო, მაგრამ ქარის სიჩქარე 120კმ/სთ. შეადგინა. ქვეყნის ხელისუფლებამ 600 ათასი ადამიანის ევაკუირება მოახდინა. თუმცა, ოფიციალური მონაცემებით, ვიეტნამში ტაიფუნის მსხვერპლი 5 ადამიანი გახდა.