COVID-19-ით დედამიწის მოსახლეობის ძალიან მცირე პროცენტი დაავადდა, მეორე ტალღა გარდაუვალია

COVID-19-ით დედამიწის მოსახლეობის ძალიან მცირე პროცენტი დაავადდა, მეორე ტალღა გარდაუვალია - იაპონელი ინფექციონისტი

COVID-19 - 17:45, 06 Jun, 2020

1047

იაპონელი ექიმი-ინფექციონისტი აკიჰირო სატო აცხადებს, რომ კორონავირუსის პანდემიის მეორე ტალღა გარდაუვალია. მისი თქმით, მეორე ტალღის დროს ვირუსით გაცილებით მეტი ადამიანი დაავადდება, ვიდრე ეს ახლა მოხდა.

მისი თქმით, ამის საფუძველი ის არის, რომ პირველ ეტაპზე COVID-19-ით მოსახლეობის 99% არ დაავადებულა და ადამიანთა ძალიან მცირე ნაწილს აქვს ორგანიზმში კორონავირუსის ანტისხეულები. ეს მნიშვნელოვანია იმის გათვალისწინებით, რომ ვაქცინა ჯერჯერობით არ არსებობს.

"COVID-19-ის გავრცელება შენელდება, თუ მოსახლეობის 60%-ს აქვს ორგანიზმში მისი ანტისხეულები. შესაბამისად, ის არ დამთავრებულა და ჯერჯერობით არც დამთავრდება. კაცობრიობას ჯერ მის წინააღმდეგ კოლექტიური იმუნიტეტი არ გააჩნია. ყველაზე დიდ საფრთხეს ის წარმოადგენს, რომ მეირე ტალღას უმეტესი ქვეყნების ჯანდაცვის სისტემები მოულოდნელად აღიქვამენ და მოუმზადებლად შეხვდებიან," - აცხადებს ინფექციონისტი.

მეორე ტალღის დაწყებას სპეციალისტი სამ ძირითად ფაქტორს უკავშირებს.

- უპირველეს ყოვლისა, ბევრი რა არის დამოკიდებული, თუ როგორი ზაფხული გველის წინ - ცხელი და უნალექო, თუ შედარებით გრილი და წვიმიანი;

- მეორე ფაქტორია, რამდენად სწრაფად და სწორად დაუბრუნდებიან ადამიანები ცხოვრების ჩვეულს წესს;

- და მესამე როდის მოიხსნება სრულად შეზღუდვები, რამდენად კანონზომიერად და დროულად მოხდება ეს.