იანუკოვიჩმა პუტინთან მოლპარაკებები მოსკოვში გამართა.

მოლაპარაკებებზე მხარეებმა სავაჭრო-ეკონმიკური ურთიერთობები განიხილეს.

ორშაბათს, რამდენიმე რუსული და უკრაინული გამოცემა საკუთარ წყაროზე დაყრდნობით იუწყებოდა, რომ რუსეთში იანუკოვიჩის ვიზიტი შედგა, თუმცა ეს ინფორმაცია ოფიციალურად, კარგა ხანს არ დასტურდებოდა.

უკრაინის პრეზიდენტის პრეს-სამსახურმა გაავრცელა ინფორმაცია, რომ შაბათს ვიქტორ იანუკოვიჩი გაემგზავრა რუსეთში ვლადიმერ პუტინთან შეხვედრაზე. „მხარეებმა განიხილეს რუსეთ-უკრაინის სავაჭრო-ეკონომიკური ურთიერთობები „აღმოსავლეთ პარტნიორობის“ სამიტამდე, რომელიც ნოემბრის ბოლოს ვილნიუსში ჩატარდება.

პარტია „უდარ“-ში დარწმუნებული არიან, რომ პუტინი იანუკოვიჩს ყველა შემთხევევაში მოატყუებს.

თუ ასოცირების შესახებ შეთანხმების ხელმოწერა ჩაიშლება, უკრაინა ევროკავშირის მხრიდან სრულ იზოლაციაში აღმოჩნდება. „უდარ“-ში ფიქრობენ, რომ ამის შემდეგ, რუსული მხარე მანამდე წამოაყენებს სულ ახალახალ მოთხოვნებს, სანამ უკრაინა საკუთარ ეკონომიკურ და პოლიტიკურ სუვერენიტეტზე სრულად არ იტყვის უარს.

პრეზიდენტი იანუკოვიჩი ამაოდ იმედოვნებს, რომ ევროპულ კავშირთან ასოცირების შესახებ შეთანხმებაზე ხელმოწერის ჩაშლა, რუსეთთან ურთიერთობას და პრეზიდენტის არჩევნებზე მის შანსს, გააუმჯობესებს, აცხადებენ პარტია „უდარ“-ში.

„ხელმოწერის ჩაშლით, რუსული ავტორიტარიზმის ჩრდილქვეშ, ხელისუფლების ნებისმიერ ფასად შენარჩუნებით, იანუკოვიჩი არამარტო ქვეყანას შეიყვანს ჩიხში, არამედ, პოსტიდან ცივილიზებული წასვლის შანსსაც დაკარგავს“, - ნათქვამია „უდარ“-ი განცხადებაში.

მომზადებულია უკრაინული მედიის მასალებზე დაყრდნობით.