უკრაინული მედია ავრცელებს ვიდეო კადრებს, რომლითაც ნათელი ხდება რომ სამხედროები აღმოსავლეთ უკრაინაში, დონბასის რეგიონში ოკუპანტების წინააღმდეგ იყენებენ ულტრათანამედროვე უკრაინული რობოტიზირებულ ტექნიკას, რომელთაგან რამდენიმე მათგანზე ტყვიამფრქვევია დამონტაჟებული, ნაწილზე კი მართვადი რაკეტები.

„მტერი ვერ ხვდება რა ვითარებაა, საიდან და როგორ ისვრიან, შენ კი მათ არ აძლევ „თავის აწევის“ საშუალებას.

სოციალურ მედიაში გავრცელებულ კადრებში ჩანს მომენტი, როდესაც დისტანციურად მართული მოწყობილობა უახლოვდება რუსი ოკუპანტების პოზიციებს და ისვრის 12,7 მილიმეტრიანი ტყვიამფრქვევიდან მტრის გამაგრებული პოზიციებისკენ. სისტემის დამპროექტებლები არ ადასტურებენ თუ როდის მოხდა მათი გამოყენება რუსი ბოევიკების წინააღმდეგ.

შეგახსენებთ, რომ აღნიშნული სისტემა იმართება კომპიუტერით და მას მმართველი ოპერატორი რამდენიმე კილომეტრის მოშორებიდან მართავს, აძლევს გადაადგილებისა და სროლის ბრძანებებს, ხოლო მის ყოველ მოქმედებას მმართველი სამხედრო ეკრანზე უყურებს სისტემის ტყვიამფრქვევთან დამაგრებული ვიდეოკამერის საშუალებით.