მედიცინისთვის ამოუხსნელი ფაქტი მოხდა ნოვგოროდის რეგიონის ქალაქ ბოროვიჩში. 53 წლის მამაკაცი, რომელიც საავადმყოფოში მკლავის მოტეხილობით მივიდა, ექიმების დასკვნით იგი სრულიად მოულოდნელად ორსული აღოჩნდა.

მიუხედავად უცნაურობისა, სწორედ ასეთი დიაგნოზი დაუსვეს მამაკაცს რუსმა ექიმებმა. ამის შესახებ მედიას დაზარალებული მამაკაცის დამ უამბო.

ქალის თქმით, გასული წლის ნოემბერში სემენ სტეფანოვიჩმა მშენებლობის ადგილზე მიიღო დაზიანება- მას ხელზე ბეტონის ფილა დაეცა, რომლის შემდეგაც იგი ადგილობრივ ცენტრალურ საავადმყოფოში მივიდა. ექიმებმა მას მაჯის მოტეხილობა დაუდგინეს და სასწრაფო ოპერაციისთვის გაამზადეს.

ოპერაციის დროს მას ძვალში მეტალის ფირფიტა ჩაუდეს, უფრო მეტიც, როდესაც მეტალს ამაგრებდნენ ხელზე ელექტრო დენის გამოყენებით რამდენიმე დამწვრობა მიაყენეს, შემდეგ კი ამის დასაფარად თაბაშირით დაუფარეს დაზიანებული ადგილები.

როდესაც ექიმის მიერ დასმული დიაგნოზი და პაციენტის ისტორიას გადახედეს აღმოაჩინეს, რომ ქირურგს მეტად უცნაური რამ ეწერა - „ არ შეიძლება ლითონის ფირფიტის ამოღება, რადგან მამაკაცი უკვე 27 კვირის ორსულია და გართულებები უნდა გამოირიცხოს“.