აშშ-ში არეულობა უკვე 5 დღეა გრძელდება და ათეულობით ქალაქში ძალზე მასშტაბურ ხასიათს იძენს. ჯორჯ ფლოიდის სახელს ამოფარებული მძარცველების პრობლემა დღეს უმთავრესია, რომელთანაც ამერიკის სამართალდამცავ უწყებებსა და იარაღის ლეგალურად მფლობელ მშვიდობიან მოქალაქეებს უწევთ გამკლავება არსებული უკონტროლო სიტუაციის ფონზე.

სამხრეთ ფილადელფიაში იარაღის მაღაზიის მფლობელმა მამაკაცმა მძარცველი, რომელიც მის საკუთრებაში შემოჭრასა და დაყაჩაღებას ცდილობდა, ავტომატური ცეცხლსასროლი იარაღის გამოყენებით თავდაცვითი გასროლისას მოკლა.

პოლიციის განცხადებით, იარაღების კომპანიის ფლობელი თავის კერძო საკუთრებაში იმყოფებოდა მაშინ, როდესაც მაღაზიას თავს დაესხნენ. გავრცელებული ინფორმაციით , მეპატრონემ არჩია ადგილზე დარჩენილიყო, რადგან უკანასკნელი დღეების განმავლობაში ქუჩაში სრული განუკითხაობა მძვინვარებდა.

მას შემდეგ, რაც მძარცველებმა მაღაზიის უკანა კარები შეამტვრიეს და ფანჯრები ჩაამსხვრიეს, 67 წლის მაღაზიის მეპატრონემ აიღო მ4-ის ტიპის ცეცხლსასროლი ავტომატი და თავში ესროლა მძარცველს, რომლის შემდეგაც თავდამსხმელთა ჯგუფი გაიფანტა და მიიმალა შემთხვევის ადგილიდან. სამართალდამცავებმა აგრეთვე აღმოაჩინეს თავდამსხმელის იარაღი.

მეორე პიროვნება, რომელიც იარაღის მაღაზიის მეპატრონემ მხარში დაჭრა, იმავე ღამეს აღმოაჩინეს ჯეფერსონის უნივერსიტეტის საავადმყოფოში, რომელსაც ექიმებმა დახმარება აღმოუჩინეს. მაღაზიასთან არსებული სათვალთვალო კამერიდან ჩანს, თუ როგორ იცავს თავს 67 წლის მამაკაცი თავს მძარცველებისგან.

ქალაქის მერმა და პოლიის კომისარმა განაცხადეს, რომ ისინი მხარს უჭერენ ადამიანის უფლებებს საკუთარი სიცოცხლისა და საკუთრების დაცვასთან დაკავშირებით.

გავრცელებული ინფორმაციით, იარაღის მაღაზიის მეპატრონე დაკითხეს, თუმცა მას დაპატიმრება არ ემუქრება, რადგან იგი თავდაცვის რეჟიმში მოქმედებდა.