52 წლის სომეხი ადგილობრივი მაცხოვრებელი, რომელიც საკუთარ თავს სოციალურ ქსელ ტელეგრამში კრიმინალურ ავტორიტეტად მოიხსენიებდა, ფულის სანაცვლოდ თითოეულ მსურველს კრიმინალურ სამყაროში სხვადასხვა სტატუსს ანიჭებდა. ამის შესახებ რუსული მედია იუწყება.

იმისათვის, რათა მის პოტენციურ კლიენტებს არ შეჰპარვოდათ ეჭვი ამ ფაქტის სანდოობაში, მამაკაცმა მეტი დამაჯერებლობისთვის თავისი სახლის სარდაფი მოაწყო ისე თითქის იგი ციხის საკანში იმყოფებოდა. კრიმინალური სტატუსის მინიჭება სკაიპით ხდებოდა. 100 დოლარად ე.წ „კაი ბიჭის სტატუსი „იყო შეფასებული, 500 დოლარად კი ე.წ განაბის (პირი, რომელიც ცდილობს კრიმინალურ სამყაროში შევიდეს) ავტორიტეტს ანიჭებდნენ ადამიანს.

სომეხი თაღლითი 200-იდან 700 დოლარამდე სხვადასხვა ადამიანს ანიჭებდა ისეთ სტატუსებს, როგორიცაა ვირთხა, ე.წ „ჩამშვები“ - მოღალატე. ხოლო იმისათვის, რათა მსურველს მიეღო კანონიერი ქურდის სტატუსი, მას ორჯერ უნდა გადაეხადა 5000 ევრო. გავრცელებული ინფორმაციით ე.წ კრიმინალური ავტორიტეტის კლიენტები და ქურდული სტატუსის მსურველები იყვნენ რუსები- ყუბანის მცხოვრებები, უკრაინელები ყირიმიდან და ჩრდილოეთ კავკასიელებიც.