ინდონეზიაში 16 წლის გოგო მაჩეტეს ტიპის ცივი იარაღით ძმებმა „ ღირსების მკვლელობის“ ეგიდით აჩეხეს. როსმინი ბინტი დარვისი კუნძულ სულავესზე მისმა ოჯახის წევრებმა მას შემდეგ მოკლეს, რაც მან აღიარა, რომ 45 წლის ნათესავთან ჰქონდა ურთიერთობა. გოგონას სიცოცხლისთვის შეუთავსებელი ჭრილობები მაჩეტეს გამოყენებით მიაყენეს მისმა 30 და 20 წლის ძმებმა.

ეჭვმიტანილების განცხადებით, ისინი ძალზე შეურაცხყოფილი და შერცხვენილნი იყვნენ მას შემდეგ, რაც მათმა დამ აღიარა, რომ სექსუალური ხასიათის ურთიერთობა ჰქონდა თავის ნათესავთან. გოგონას ოჯახი აგრეთვე თავს დაესხა როსმინის ბიძაშვილს, რომელიც ურთიერთობაში იყო მასთან.

პოლიციის ინფორმაციით, როსმინის სხეული რამდენიმე ნაწილად იყო დანაწევრებული თავდასხმის შემდეგ.