გერმანიაში, საქსონიის რეგიონში ერთ-ერთი მაცხოვრებლის ეზოში აფეთქების შედეგად 5 წლის გოგონას მკლავი მოწყდა. შემთხვევა მოხდა მაშინ, როდესაც ბავშვის მამა თავის მეგობართან ერთად ბენზინის კასრს კუთხის სახეხით ჭრიდა, რა დროსაც პროცედურის დროს გამოფრქვეულმა ნაპერწკლებმა ცილინდრში ჩააღწია და ბენზინის აალება მოხდა, რამაც ძლიერი აფეთქება გამოიწვია.

ინციდენტის შედეგად მძიმედ დაზარალდა მამაკაცის მეუღლეც, რომელმაც უმძიმესი დაზიანებები მიიღო სხეულზე.

პოლიციის თქმით, მამაკაცს დაავიწყდა იმის შემოწმება, ესხა თუ არა აალებადი ნივთიერება კასრში. აფეთქების ტალღამ კასრის სახურავი მთელი სისწრაფით გაისროლა, რომელმაც ახლოს მყოფ 5 წლის მცირეწლოვანს ბავშვს მკლავი წააცალა. ბავშვი და დედამისი საავადმყოფოში ვერტმფრენით გადააფრინეს-ორივეს მდგომარეობა კრიტიკულია.