რუსეთში, 45 წლის შინაგან საქმეთა სამინისტროს პოლკოვნიკი, რომელსაც კორონავირუსზე მკურნალობდნენ, საავადმყოფოს მე-5 სართულიდან გადმოვარდა. ამის შესახებ რადიო თავისუფლება წერს.

აღნიშნული ინციდენტი მოსკოვის 24-ე საავადმყოფოში მოხდა 30 მაისს ღამით. გავრცელებული ინფორმაციით, მსხვერპლი შინაგან საქმეთა სამინისტროსა და დამოუკიდებელი სასამართლო ექსპერტიზის მაღალჩინოსანია.

მედიის თქმით, პოლიციის ლეიტენანტ-პოლკოვნიკი შემთხვევის ადგილზე გარდაიცვალა, თუმცა ვრცელდება ინფორმაცია მის გადარჩენასთან დაკავშირებითაც- ერთ- ერთი მედია ჯგუფის განცხადებით, დაშავებული ინტენსიური მკურნალობის ცენტრშია ამ დრომდე მოთავსებული უმძიმესი დაზიანებებით.

ზემოხსენებული შემთხვევები უცნობი არაა რუსეთისთვის, რადგან უკვე მეოთხე ინციდენტია, როდესაც ადამიანი მკურნალობის მომენტში ვარდება საავადმყოფოს მაღალი სართულიდან. სხვადასხვა დროს უკანასკნელი თვეების განმავლობაში კორონავირუსული პანდემიის დროს 3 ექიმი „გადმოვარდა“ მაღალი სართულიდან. არსებობს ეჭვები, რომ აღნიშნული მკვლელობა ძალოვანი უწყების წარმომადგენლებს უკავშირდება, რომლებიც ცდილობდნენ მედიკოსების გაჩუმებას არსებულ მძიმე ეპიდემიოლოგიურ სიტუაციასთან დაკავშირებით.