ბელგიის მეფე ფილიპეს ძმისშვილს, პრინც იოაჰიმს COVID-19 დაუდასტურდა. 28 წლის პრინცი სავარაუდოდ 26 მაისს, ესპანეთში გამართულ წვეულებაზე დაინფიცირდა.

ბელგიის სამეფო სახლის პრესსპიკერის განცხადებით, პრინცი ბელგიიდან ესპანეთში 24 მაისს გაემგზავრა.

გამოცემა El Pais-ის ცნობით, ბელგიის პრინცი წვეულებაზე 26 ადამიანთან ერთად იმყოფებოდა. ამ დროისათვის წვეულებაზე დამსწრები ყველა პირი დაკვირვების ქვეშ იმყოფება.

სამეფო სასახლის განცხადებით, ესპანეთში ამ საკითხთან დაკავშირებით გამოძიება მიმდინარეობს, ვინაიდან წვეულებაზე დამსწრეთა რაოდენობა დაშვებულ ნორმას აღემატებოდა. ესპანეთში ჯგუფური შეკრება მხოლოდ იმ შემთხვევაშია ნებადართული, თუ მას არაუმეტეს 15 ადამიანი ესწრება.