ჩინეთის ერთ-ერთი უმაღლესი რანგის მქონე გენერალმა სკანდალური ინფორმაცია გაავრცელა ტაივანთან დაკავშირებით. მისი თქმით, ჩინეთი შეუტევს ტაივანს იმ შემთხვევაში თუ სხვა გზა არ დარჩება იმისა, რომ შეჩერდეს მისი დამოუკიდებელ ქვეყანად ჩამოყალიბების პროცესი.

აღნიშნულ საკითხზე განხილვა გაიმართა პეკინის დიდ სახალხო დარბაზში, სადაც აღნიშნავდნენ „ანტი-სეცესიური“ კანონის მიღების 15 წლისთავს. 2005 წელს მიღებული კანონი აძლევს ქვეყანას ლეგალურ, იურიდიულ საფუძვლებს, გამოიყენოს სამხედრო ძალა ტაივანის წინააღმდეგ, თუ დღის წესრიგში დადგება მისი გამოყოფის საკითხი ჩინეთის შემადგენლობიდან.

„იმ შემთხვევაში, თუ მშვიდობიანი შემოერთების პროცესი ძალას დაკარგავს, შეიარაღბული ძალები ყველა საჭირო ზომას მიმართავენ, რათა სიტუაცია დაასტაბილურონ და კონტროლს დაუქვემდებარონ ტაივანის სრუტეში“- განაცხადა გაერთიანებული შტაბის დეპარტამენტის ხელმძღვანელმა, ლი ზუაოჩონგმა.

მისი თქმით, ჩინეთი არ აპირებს უარი თქვას ძალის გამოყენებაზე და ეს იქნება სარეზერვო ვარიანტი იმისათვის რათა სიტუაცია დასტაბილურდეს ტაივანის სრუტეში.

შეგახსენებთ, რომ ეს გახლავთ პირველი პრეცედენტი, როდესაც ესეთი მაღალი რანგის სახელმწიფო მოხელე, რომელიც შეიარაღებულ ძალებს ხელმძღვანელობს მკაფიოდ აჟღერებს ჩინეთის სახელმწიფოს გეგმებს ტაივანთან დაკავშირებით.