საქართველოში გამოვლენილი კორონავირუსის რვა ახალი შემთხვევიდან ექვსი საკარანტინო სივრციდანაა, ხოლო ორი ბოლნისს უკავშირდება - ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა.

ახალი პაციენტების მდგომარეობა მძიმედ არ ფასდება, თუმცა მათ გაფართოებული კვლევები ჩაუტარდებათ.

ინფექციურ საავადმყოფოშო კორონავირუსით ინფიცირებული სულ 40 პაციენტი მკურნალობს, კოვიდ-ცენტრებში კი – 158.

„დაგვემატა რვა ახალი დადასტურებული შემთხვევა და გახდა 746. გამოჯანმრთელებული მხოლოდ სამია, იყო 573 და არის 576. რვა დადასტურებული შმეთხვევიდან ექვსი არის საკარანტინო სივრციდან, ხოლო ორი ბოლნისიდან.

რაც შეეხება ჩვენს ცენტრს, გუშინ დღე-ღამის განმავლობაში, დილამდე შემოვიდა ეს რვა დადასტურებული შემთხვევა და ერთი სწრაფი ტესტით დადასტურებული, რომელიც კონფირმაციას საჭიროებს, დღეს ცხვირ-ხახის ნაცხი გაკეთდება და „პისიარ“ კვლევა ჩაუტარდება... ამ რვა ახალ შემთხვევაში ხანდაზმულები არ არიან, არის ერთი 16 წლის მოზარდი“,- განაცხადა ეზუგბაიამ.