პაატა იმნაძე აცხადებს, რომ საქართველოში არიან ადამიანები, რომლებმაც კორონავირუსი გადაიტანეს ისე, რომ ვერ გაიგეს.

დაავადებათა კონტროლის ეროვნული ცენტრის დირექტორის მოადგილის განცხადებით, ასეთი ადამიანების რაოდენობა ძალიან მცირეა.

"ნამდვილად იყო ასეთი ადამიანი, ვისაც გადატანილი აქვს კორონავირუსი და ვერ გაიგო. ჩვენ ასეთ ტესტებს დიდი ხანია ვატარებთ, იმ შემთხვევაში, როდესაც ვეძებდით ინფიცირებულების და უკვე დადასტურებულთა კონტაქტებს. მათ ვიკვლევდით არა მხოლოდ PCR დიაგნოსტიკით, არამედ, ანტისხეულებზეც.

გვაქვს დაახლოებით 10-მდე დადასტურებული შემთხვევა ადამიანების, მათ ვიკვლევდით არამხოლოდ სწრაფი ტესტით, არამედ ე.წ ელაიზა მეთოდით. ეს უფრო დამაჯერებელი პასუხია, რომ ანტისხეულები ნამდვილად არის. გერმანული ტესტებია. ასეთი ადამიანები ნამდვილად იყვნენ. თითებზე ჩამოსათვლელი". - ამბობს იმნაძე.