ხულიგნობის ბრალდებით დაკავებული სპორტსმენების რეზო წულუკიძისა და ელდარ ანთაძის ოჯახის წევრები დილიდან ბათუმის საქალაქო სასამართლოს შენობასთან არიან შეკრებილები.

ისინი გუშინდელ აქციაზე დაკავებული პირების სასამართლო პროცესის დაწყებას ელოდებიან.

აქციის მონაწილეები პროცესის შემდეგ საპროტესტო აქციების გააგრძელებას აანონსებენ. მათი მოთხოვნა წულუკიძისა და ანთაძის გატავისუფლებაა.

"აჭარის ფარგლებს უნდა გავცდე და მოვთხოვო ცენტრალურ ხელისუფლებას, დროულად გონზე მოეგონ და გამოსავალი ნახონ. არ ჩაცხრება არც ეს მუხტი, არც მოთხოვნები, - ამბობს აქციის ერთ-ერთი მონაწილე.

აქციის მონაწილეები დარწმუნებულები არიან, რომ წულუკიძე და ანთაძე პოლიტიკური მოტივით დააპატიმრეს, რადგან მათ მომავალ არჩევნებში „ქართული ოცნებისთვის“ მხარდაჭერაზე უარი თქვეს.