ჯანდაცვის მსოფლიო ორგანიზაციის აღმასრულებელი დირექტორი მაიკლ რაიანი აცხადებს, რომ ჯერ კიდევ ვერ დასტურება ჰიპოთეზა, რომ ადამიანი, რომელმაც კორონავირუსით ინფიცირება გადაიტანა, ხელახალი დაავადებისგან დაცულია.

„რაც შეეხება ჯვარედინ დაცვას, რა თქმა უნდა, არსებობს მტკიცებულების გარკვეული ბაზა იმუნური რეაგირების შესაძლებლობის შესახებ იმ შემთხვევაში, თუ ადამიანმა მანამდე კორონავირუსის დაავადების სხვა სახეობა გადაიტანა. თუმცა, ჯერ მონაცემები საკმარისად არ არის. კვლევები გრძელდება. ეს ინფორმაცია მნიშვნელოვანია და იმედს გვაძლევს, რომ იმუნური რეაქცია იქნება, რაც საშუალებას მოგვცემს კორონავირუსისგან დაცვა გრძელვადიან პერსპექტივაში იყოს უზრუნველყოფილი. ეს ასევე სასარგებლო იქნება ვაქცინის შექმნისთვის“, - განაცხადა მაიკლ რაიანმა.