ინდოეთში მამაკაცი მკვლელობის ბრალდებით დააკავეს მას შემდეგ, რაც მისი სახლის ტერიტორიაზე არსებულ ჭაში აღმოჩენილ იქნა 9 გარდაცვლილი ადამიანის სხეული.

მედიის ინფორმაციით, 6 გარდაცვლილი ერთი ოჯახის წევრია, მათ შორისაა სამი წლის ბიჭიც.ადგილობრივი წყაროს ინფორმაციით ზემოხსენებული პირები მას შემდეგ მოკლეს, რაც მათ საჭმელში სადილის დროს გაურიეს დამაძინებელი აბები. სავარაუდოდ, მკვლელობის მიზეზი გახდა ის, რომ ერთ-ერთ მსხვერპლი მკვლელს დაემუქრა, რომ განაცხადებდა პოლიციაში მის მიერ მოკლული ქალის შესახებ, რომელსაც სამართალდამცავები მარტის თვიდან დღემდე ეძებდნენ.

24 წლის სანჯაი კუმარ იადავი აღნიშნულ მკვლელობებთან ურთიერთკავშირის გამო დააკავეს.მედიაში გავრცელდა შოკისმომგვრელი კადრები, სადაც ასახულია მოკლული ადამიანების მოტივტივე სხეულები წყლით სავსე ორმოში.

პოლიციის თქმით, მას შემდეგ რაც მთელი ოჯახი ამოხოცა იადავმა, მათი გვამები თანმიმდევრულად ჩააწყო ე.წ ჭაში.