ამერიკის სახელმწიფო დეპარტამენტი საქართველოს დამოუკიდებლობის დღეს ულოცავს და ოფიციალურ მიმართვას ავრცელებს.

„ამერიკის შეერთებული შტატების მთავრობის სახელით, ვულოცავთ ქართველ ხალხს დამოუკიდებლობის დღეს. ამერიკის შეერთებული შტატებს და საქართველოს ძლიერი სტრატეგიული პარტნიორობა აქვთ, რომელიც დაფუძნებულია საერთო ფასეულობებსა და მშვიდობის სიყვარულზე, თავისუფლებასა და ერთანობაზე. აშშ ინარჩუნებს სიმტკიცეს საქართველოს სუვერენიტეტისა და ტერიტორიალური მთლიანობის აღიარებაში მის საერთაშორისოდ აღიარებულ საზღვრებში, ჩვენ მხარს ვუჭერთ ქართველი ხალხის მკაფიო არჩევანს ევრო-ატლანტიკურ ალიანსში გაერთიანების გზაზე. ამერიკის შეერთებული შტატები აფასებს საქართველოს უდიდეს წვლილს, რომელიც მას შეაქ საერთაშორისო უსაფრთხოების კუთხით, რაც გამოიხატება ავღანეთში ნატოს მისიაში მონაწილეობით. ქართველი ჯარისკაცები მამაცურად მსახურობენ და ჩვენ პატივს მივაგებთ იმ ქართველი ჯარისკაცების ხსოვნას, რომელთაც თავი შეწირეს მსოფლიო მშვიდობისა და უსაფრთხოების დამყარებას.

მომდევნო წელს, ჩვენ ველოდებით, ჩვენს ორმხრივ ურთიერთობის კიდევ უფრო გამტკიცებასა და „გამდიდრებას“ , რადგან საქართველო ახორციელებს რეფორმებს თავისი დემოკრატიული პროცესების გაძლიერებისთვის, დამოუკიდებელი სასამართლო სისტემისა და კანონის უზენაესობის კიდევ უფრო გამტკიცებისთვის. ჩვენ მტკიცედ ვუჭერთ მხარს საქართველოს ეკონომიკურ განვითარებას და იმ ძალისხმევებს, რომელიც მიმართულია კოვიდ 19-ის მიერ გამოწვეული უკუეფექტთან გასამკლავებლად.

გილოცავთ დამოუკიდებლობის დღეს! " - ნათქვამია ოფიციალურ განცხადებაში.