სომხეთში კორონავირუსის გავრცელების მხრივ კავკასიის ქვეყნებს შორის უმძიმესი მდგომარეობაა. უკანასკნელ 24 საათში ინფიცირების 230 და გარდაცვალების 3 ახალი შემთხვევა აღინიშნა. მიმდინარე სიტუაციის შესაფასებლად ქვეყნის პრემიერ-მინისტრმა, ნიკოლ ფაშინიანმა ფეისბუქ მიმართვა გაავრცელა მოსახლეობისადმი, სადაც მან აღნიშნა, რომ თუ სომხეთში მიმდინარე მდგომარეობას არ შეაჩერებენ, მაისის ბოლოსთვის 10 000 , ივნისის ბოლოს კი ინფიცირების 30 000-მდე , ხოლო გარდაცვალების ასეულობით შემთხვევა დაფიქსირდება.

ფაშინიანის განცხადებით, დაავადების გავრცელების მსგავსი ტენდენციის შენარჩუნების შემთხვევაში, მათ მოუწევთ თავიდან დააწესონ საკარანტინო მკაცრი შეზღუდვები, თუმცა იმედოვნებს, რომ მოქალაქეების პასუხისმგებლობა მისცემს მთავრობას იმის საშუალებას, რომ ამ ზომების მიღება არ გახდეს საჭირო.

პრემიერმა მოუწოდა მოსახლეობას, დაიცვან ყოველი მოთხოვნა, მათ შორის დახურული სივრცეებში პირბადეების ტარებასთან დაკავშირებით.

სომხეთში საერთო ჯამში, კოვიდ ინფიცირების 5271 შემთხვევა ფიქსირდება, ფატალურ შემთხვევა რაოდენობა კი 67-ია. 2785 ადამიანი ამ დრომდე აქტიურ სამედიცინო მკურნალობას გადის საავადმყოფოებში.