ამერიკის შეერთებული შტატების ოფიციალური განცხადებით, ევროპაშ ვირუსისგან ყველაზე მეტად დაზარალებულ ქვეყანაში, რუსეთში 200 სამედიცინო სასუნთქ აპარატს გააგზავნიან. რუსეთში აშშ-ს შემდეგ კოვიდ ინფიცირების ყველაზე მაღალი რაოდენობაა მსოფლიოში.

ოფიციალური მოსკოვის განცხადებით, ქვეყანაში სამშაბათს 9263 ახალი შემთხვევა აღინიშნა და 115 გარდაცვლილი უკანასკნელი 24 საათის განმავლობაში.

ამერიკის საელჩომ მოსკოვში განაცხადა, რომ რუსეთის პრეზიდენტმა, ვლადიმერ პუტინმა ითხოვა დახმარება ამერიკისა და დონალდ ტრამპისგან, რომლის შემდეგაც ტრამპმა მას 200 სამედიცინო ვენტილატორის გაგზავნა აღუთქვმა.

პირველი პარტია, 50 ერთეული უკვე გასაგზავნად მზადაა და ოთხშაბათს გაიგზავნება, ხოლო დანარჩენი 150 კი გარკვეული პერიოდის შემდეგ.

შეგახსენებთ, რომ აპრილში რუსეთმაც გამოუგზავნა აშშ-ს სასუნთქი აპარატები, მაშინ როდესაც ამ დონის მასშტაბზე არ იყო ეპიდემია რუსეთში. მიუხედავად რუსული ვენტილატორების გაგზავნისა, ამერიკელმა მაღალჩინოსნებმა განაცხადეს, რომ მათი გამოყენების აუცილებლობა ქვეყანაშ არ დამდგარა და მათ რეზერვად ინახავდნენ.