მამაკაცი, რომელიც 32 წლის წინ მოიტაცეს, როგორც ახალშობილი, სახის ამომცნობი ტექნოლოგიის საშუალებით საბოლოოდ დაუბრუნდა თავის ბიოლოგიურ ოჯახს.

მაო ინი თავისი ოჯახს 1988 წელს მოსტაცეს ქალაქი შიანის სასტუმროს ტერიტორიიდან, როდესაც იგი 2 წლის იყო, შემდეგ იგი გაყიდეს ჩინელ უშვილო წყვილზე სიჩუანის პროვინციაში. ამის შესახებ ინფორმაციას CNN-ი ავრცელებს.

მაომ, რომელიც თავის ახალ, შეძენილ მშობლებთან იზრდებოდა, არც კი იცოდა, რომ მისი ბიოლოგიური დედა და მამა მას 3 ათწლეულის განმავლობაში ეძებდნენ. გვიან აპრილის თვეში, შიანის პროვინციამ მიიღო ინფორმაცია, რომ მამაკაცმა სინჩუანის პროვინციაში იყიდა ბავშვი 1980-იანი წლების ბოლოს.

ამის შემდეგ პოლიციამ გამოიყენა სახის ამომცნობი ტექნოლოგია, რათა მოეხდინათ მაოს იმ ძველი ფოტოსურათის ანალიზირება, როდესაც იგი ბავშვი იყო. უახლესი ტექნოლოგიის მიხედვით, მოხდა სიმულაციური სურათის შედგენა და შედარება ძველ ფოტოზე, რომლის საფუძველზეც მოხდა ბავშვის სავარაუდო ზრდა-განვითარების ეტაპებისა და გარეგნობის განსაზღვრა. მთელი რიგი გამოძიების, კომპიუტერული დამუშავებების, იმიტირებული სცენების შექმნისა და შედარებების შემდეგ აეწყო ზუსტი სურათი, თუ როგორი სავარაუდო გარეგნობა უნდა ჰქონოდა ზრდასრულ ასაკში იმ 2 წლის ბიჭს, რომლის ფოტოც პოლიციელებს ხელთ ჰქონდათ.

სამართალდამცავებმა მიაგნეს მაოს, რომლის ვინაობაც მათ ბიოლოგიურ მშობლებთან ერთად დნმ-ის ტესტით დაადასტურეს. ორშაბათს, 34 წლის დაკარგული ჩინელი ახალგაზრდა თავის მშობლებს დაუბრუნდა. საზეიმო შეხვედრა შიანის პოლიციამ მოაწყო.