ჩილეს დედაქალაქ სანტიაგოში დემონსტრანტებსა და პოლიციელებს შორის შეტაკება მოხდა კორონავირუსის კრიზისის შედეგად გამოწვეული საჭმლის დეფიციტის გამო.

ადგილობრივი ტელევიზიებით აჩვენეს სამართალდამცავები, რომლებიც იყენებდნენ ცრემლსადენ გაზსა და წყლის ჭავლს ქუჩაში არეულობის ჩასახშობად.

პრეზიდენტმა სებასტიან პინერამ სატელევიზიო მიმართვის დროს პროტესტში მონაწილე ადამიანებს მისცა პირობა რომ აუცილებლად იქნებოდა საკვებით მომარაგება. ჩილეში კოვიდ 19-ის 46 000 შემთხვევაა აღრიცხული, რომელთაგან 478 ფატალური აღმოჩნდა.

ბოლო პერიოდში ინფიცირების რაოდენობის მასშტაბურმა ზრდამ გამოიწვია დედაქალაქში მკაცრი საკარანტინო შეზღუდვების დაწესება.

მედიის მიერ გავრცელებულ კადრებში ნათლად ჩანს ათეულობით გაბრაზებული მომიტინგე, რომლებიც ქუჩებში ისროდნენ ქვებს და აჩენდნენ ცეცხლის კერებს სხვადასხვა ტერიტორიაზე.