რუსეთში კორონავირუსით ინფიცირებულთა რაოდენობა უპრეცედენტოდ მაღალია ყველა ევროპულ ქვეყანასთან შედარებით. ჯანდაცვის მსოფლიო ორგანიზაციის ინფორმაციით, ქვეყანაში უკვე ინფიცირების 300 000-მდე შემთხვევაა აღრიცხული, რომელთაგან ოფიციალური მონაცემების თანახმად, 2800-ზე მეტი ადამიანია გარდაცვლილი. უკანასკნელ 24 საათში 9263 ახალი შემთხვევა აღინიშნა, ხოლო 115 შემთხვევა კი ფატალური გამოდგა.

ბოლო ინფორმაციით, 220 974 პაციენტი იმყოფება ამ დროისთვის რუსეთის საავადმყოფოებში, რომლითაც იგი ამერიკის შემდეგ მეორე ადგილზე იმყოფება. ვირუსი დაამარცხა 76 130-მა პაციენტმა.

შეგახსენებთ, რომ რამდენიმე დღის წინ CNN-ი წერდა იმასთან დაკავშირებით, რომ რუსეთი მასობრივად მალავს კორონავირუსისგან დაღუპული ადამიანების რაოდენობას, გარდაცვალების მიზეზად კი გულის შეტევას, სიმსივნეს და სხვა უნკურნებელ ავადმყოფობებს აფიქსირებენ.

როდესაც კოვიდ 19-ს ეხება საქმე, ერთ-ერთი ყველაზე მნიშვნელოვანი და პასუხგაუცემელი შეკითხვა გახლავთ ის, რომ იმ ქვეყანაში, რომელიც კოვიდ ინფიცირების რაოდენობით მსოფლიოში მეორეა, როგორ ხდება რომ გარდაცვლილთა რიცხვი ესეთი დაბალი მაჩვენებლით ფიქსირდება, როდესაც სხვა სახელმწიფოებში გაცილებით მეტია ვირუსისგან გამოწვეული ფატალური შემთხვევების ოფიციალური მაჩვენებლები. ამის გამომწვევ ფაქტორად შეიძლება მიჩნეულ იქნეს მხოლოდ ის, თუ როგორ ითვლიან რუსეთში კოროანვირუსით გარდაცვლილთა რაოდენობას.

დაავადების გავრცელების ეპიცენტრში, მოსკოვში ჯანდაცვის უწყების წარმომადგენელთა ნაწილმა უკვე აღიარა, რომ კორონავირუსით დაღუპული ადამიანების 60 %-ს სხვადასხვა საავადმყოფოებში გარდაცვალების გამომწვევ მიზეზად დაუფუქსირეს გულის შეტევები, მე-4 სტადიის კიბო და სხვა უნკურნებელი დაავადებები.

ადგილობრივი მედიკოსების განცხადებით, კორონავირუსისგან დაღუპულ ადამიანებში იმ პირებს აღრიცხავენ, რომელთა სხეულის გაკვეთის შემდეგ ნათელი ხდება, რომ ისინი კოვიდ 19-ს ემსხვერპლნენ.