თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ქვეყანაში დადასტურებული ერთი ახალი შემთხვევას ბოლნისს უკავშირდება.

„ეს ახალი შემთხვევა არის ბოლნისის დადასტურებულ შემთხვევასთან კონტაქტი“,- განაცხადა ეზუგბაიამ.

ამ დროისთვის, თბილისის ინფექციურ საავადმყოფოში კორონავირუსით ინფიცირებული 30 პაციენტი მკურნალობს.

„მდგომარეობა არ შეცვლილა, კვლავ ორი მძიმე პაციენტი გვყავს. მძიმე პნევმონიით,რომელთა მდგომარეობა არ გაუარესებულა ამ დღეების განმავლობაში, სტაბილურია და უმნიშვნელო გაუმჯობესება შეინიშნება. ვნახოთ, მათი დინამიკა როგორი იქნება და ისე გადაწყდება შემდგომში პროგნოზირებაც.

ჩვენთან ახალი დადასტურებული ის ერთი პაციენტი არ შემოსულა. გამოჯანმრთელებული ჩვენ გუშინ გვყავდა მხოლოდ ერთი პაციენტი. სხვა სიტუაცია უცვლელია“, – განაცხადა ეზუგბაიამ.