თამბაქოსგან წარმოებულ COVID-19-ის ვაქცინას ადამიანებზე გამოცდიან

COVID-19 - 10:54, 19 May, 2020

715

აშშ-ის საკვებისა და მედიკამენტების ადმინისტრაცია (FDA) კომპანია Kentucky BioProcessing-ის მიერ, COVID-19-ის წინააღმდეგ შექმნილ პოტენციურ ვაქცინას სწავლობს. Bloomberg-ში გამოქვეყნებული სტატიის თანაახმად, FDA-ის დასტურის შემდეგ, კომპანიას შეეძლება, ვაქცინა ადამიანებზე გამოსცადოს.

Kentucky BioProcessing-მა ვაქცინაზე მუშაობის დაწყების შესახემ ჯერ კიდევ აპრილის თვეში განაცხადა. ეს არის თამბაქოს ერთ-ერთი უმსხვილესი მწარმოებლის, BAT-ის შვილობილი და ის ბიოტექნოლოგიების მიმართულებით საქმიანობს. ინოვაციური მიმართულება, რომელიც კომპანიის მიერ არის დანერგილი, თამბაქოს ფოთლების მეშვეობით, ახალი თაობის ვაქცინების წარმოებაა.
BAT-ის მიერ გამოქვეყნებული განცხადების მიხედვით, კომპანია FDA-ისგან პასუხის მიღებას უახლოესი კვირების განმავლობაში ელის.

ვაქცინების წარმოების ტრადიციული მეთოდით ვაქცინის რეპლიკაცია ქათმის კვერცხში ხდება. იმის გამო, რომ ქათმის კვერცხი ცხოველურ ორგანიზმს წარმოადგენს, მას გარკვეული გავლენა აქვს ვირუსზე და პერიოდულად მისი მუტაციაც ხდება.

Kentucky BioProcessing-ი კი, ვაქცინას მცენარეული ორგანიზმით აწარმოებს, რასაც კომპანიის ინფორმაციით, რამდენიმე უპირატესობა გააჩნია ვაქცინის წარმოების ტრადიციულ ტექნოლოგიასთან მიმართებით, კერძოდ:

• აღნიშნული ტექნოლოგია უსაფრთხოა, რადგან თამბაქოს ფოთლები არ შეიცავენ იმ ტიპის პათოგენებს, რაც იწვევს დაავადებებს ადამიანში,
• უფრო სწრაფია, რადგან ვაქცინის ელემენტების აკუმულირება თამბაქოს ნერგში ხდება გაცილებით სწრაფად - 6 კვირაში, ტრადიციულ მეთოდებიოთ კი მას მრავალი თვე სჭირდება,
• ვაქცინა ვარგისია ოთახის ტემპერატურის პირობებშიც კი, როცა ტრადიციული ვაქცინები ხშირად სპეციალურ მაცივრებს საჭიროებენ,
• ერთი დოზაც საკმარისია შესაბამისი იმუნური მხარდაჭერის მისაღწევად.