ლიბიის არმიამ ამბოხებულთა გენერალ ჰაფთარის სახმელეთო ძალების მფლობელობაში არსებული ანტისაჰაერო სისტემა გაანადურა. ამის შესახებ ინფორმაციას ავრცელებს პოლკოვნიკის მოჰამედ ქანუნუ, რომელმაც აღნიშნა, რომ ბომბდამშენების მიერ განხორციელებული საჰაერო იერიშების შედეგად ქალაქ სირტეში განლაგებული ამბოხებულებს ძლიერი დანაკარგები აღენიშნებათ- მათ შორის საბრძოლო ტექნიკასა და ცოცხალ ძალაშიც.

რუსული წარმოების ერთ-ერთი ყველაზე პოპულარული და „ძლიერი“ ჰაერსაწინააღმდეგო სისტემა, პანცირი და რადიოელექტრონული ბრძოლისათვის განკუთვნილი სპეციალური დანადგარი საჰაერო იერიშის შედეგად იქნა განეიტრალებული. აღნიშნული რუსული საზენიტო დანადგარი ჰაფთარის მებრძოლებმა არაბეთის გაერთიანებული საემიროებისგან მიიღეს.

არაბეთისგან მიღებული სამხედრო პარტიიდან ანალოგიური სისტემის განადგურების პირველი შემთხვევა შაბათსაც დაფიქსირდა. მაისში განხორციელებული კონტრშეტევის ფონზე ამბოხებული გენერალი ჰაფთარის გასამხედროებულმა ნაწილემა, რომელთაც რუსი ბოევიკთა ჯგუფი, ვაგნერი უმაგრებს ზურგს ძლიერი დანაკარგები მიიღეს.

გაეროს მიერ აღიარებული ლიბიის ოფიციალური მთავრობა ქვეყანაში კონტროლის დასამყარებლად 2019 წლის აპრილიდან იბრძვის.

შეგახსენებთ, რომ რუსული „უანალაგო“ ჰაერსაწინააღმდეგო სისტემის, პანცირის განადგურების ეს უკვე მე-5 ფაქტია. 3 დანადგარი თურქული და ებრაული ავიაციის მსხვერპლი გახდა სირიაში მიმდინარე საბრძოლო ბატალიების განმავლობაში, 2 კი უკვე რუსეთის მიერ მხარდაჭერილი გენერალი ჰაფთარის სამხედროებს აუფეთქა ლიბიის სამთავრობო ძალების ავიაციამ.

აღსანიშნავია, რომ მიუხედავად კრემლის თავდაუზოგავი მტკიცებისა ანტისაზენიტო სისტემა პანცირის „უანალოგობისა “ და ხარისხიანობის შესახებ, ახლო აღმოსავლეთში მიმდიანრე არც ერთ კონფლიქტში არ უსახელებია მას თავისი მწარმოებელი და დღემდე არც ერთი თვითმფრინავი არ ჩამოუგდია. კრემლის პროპაგანდისტები კი ამ ფაქტის გაბათილებას იმით ცდილობენ, რომ მის ოპერატორებს სისტემის გამოყენების უცოდინრობაში ადანაშაულებენ.