ირანის საგარეო საქმეთა მინისტრმა, მოჰამედ ჯავად ზარიფმა მიმართა გაეროს გენერალურ დირექტორს, ანტონიო გუტიერესს და გააფრთხილა, რომ ოფიციალური თეირანი აუცილებლად უპასუხებს აშშ-ს, თუ ისინი საფრთხეს შეუქმნიან ნავთობის გადამზიდ ირანულ ხომალდებს, რომლებიც ვენესუელისკენ მიცურავენ.

ხუთი ირანული ტანკერი, რომელიც დატვირთულია გადამუშავებული ნავთობით, ატლანტიკის ოკეანეში მიცურავს და მიემართება ვენესუელის მიმართულებით.

ირანის საგარეო საქმეთა მინისტრმა თავის წერილში არალეგალური, პროვოკაციული და საფრთხის შემცვეული უწოდა აშშ-ს მიერ „ზღვის მეკობრეობას“, რომლითაც ირანელთა აზრით, ვაშინგტონი დიდ საფრთხეს უქმნის რეგიონს. ზარიფის განცხადებით, ამერიკის მთავრობა არის ნებისმიერ არალეგალური ქმედებების შედეგებზე პასუხისმგებელი. მისი თქმით, ირანს აქვს უფლება მიიღოს შესაბამისი გადაწყვეტილებები, კონტრ ზომების მისაღებად.