ბორის ჯონსონის თქმით, მისი მთავრობა აპირებს 93 მილიონი ფუნტის დახარჯოს ვაქცინის საკვლევი ცენტრის შექმნისთვის ოქსფორდშირში, რომელიც გაიხსნება 2021 წლის ზაფხულში.

ჯონსონმა თავის მიმართვაში აგრეთვე სენსაციური განცხადებაც გააკეთა-პრემიერის განცხადებით, შესაძლოა, კოვიდ-19-ის ვაქცინა ვერც ვერასდროს შეიქმნას მიუხედავად უდიდესი გლობალური ძალისხმევისა.

„ძალზე დიდი გზა გვაქ გასავლელი, გულწრფელი უნდა ვიყო და ვთქვა, რომ ვაქცინა შესაძლოა, საერთოდ ვერც კი შეიქმნას. ჩვენ უნდა ვიპოვოთ ვირუსის კონტროლის გზები- იმ ადამიანებს უნდა ჩავუტაროთ ტესტირება, რომელთაც სიმპტომები აღენიშნებათ და მივაკვლიოთ იმ ხალხს, რომლებთანაც დაავადებულებს ჰქონდათ კომუნიკაცია“- განაცხადა ბორის ჯონსონმა.

„ვიცი, რომ ეს არ იქნება მარტივი, ბავშისთვის პირველი ნაბიჯები არასდროსაა იოლი“.

შეგახსენებთ, რომ ბრიტანეთში კოვიდ ინფიცირებულთა რიცხვი 243 695-ს შეადგენს, რომელთაგან 34 636 შემთხვევა ფატალური აღმოჩნდა.