აჭარის ჯანდაცვის სამინისტროს ინფორმაციით, 14 მარტიდან 30 აპრილის ჩათვლით აჭარაში გამოვლენილი ინფიცირების 71 შემთხვევიდან, 67-მა პირმა უკვე დაამარცხა ცოვიდ-19. ორი პაციენტი რჩება კლინიკა „მედალფაში“, ორი კი გარდაიცვალა.

კლინიკა გუშინ კიდევ ერთმა გამოჯანმრთელებულმა დატოვა. დარჩენილი ორი პაციენტის მდგომარეობა კი სტაბილურია.

ინფიცირების ყველაზე მეტი – 36 შემთხვევა ე.წ. ქობულეთის კლასტერს უკავშირდებოდა.

კლასტერი აჭარის ჯანდაცვის სამინისტრომ უკვე დახურულად გამოაცხადა.