აღნიშნულ ვიდეოზე წარმოდგენილი კადრები, რომელიც ნიღბებით, ეკიპირებით შემოსილი სპეციალური სამსახურის თანამშრომელთა მიერ კორონავირუსით გარდაცვლილი ადამიანების დამარხვასა და ინფიცირებულთა მკურნალობას ასახავს, რუსეთში უკანასკნელი კვირეების განმავლობაში გახდა საყოველთაოდ ჩვეულებრივი მოვლენა .

როდესაც კოვიდ 19-ს ეხება საქმე, ერთ-ერთი ყველაზე მნიშვნელოვანი და პასუხგაუცემელი შეკითხვა გახლავთ ის, რომ იმ ქვეყანაში, რომელიც კოვიდ ინფიცირების რაოდენობით მსოფლიოში მეორეა, როგორ ხდება რომ გარდაცვლილთა რიცხვი ესეთი დაბალი მაჩვენებლით ფიქსირდება, როდესაც სხვა სახელმწიფოებში გაცილებით მეტია ვირუსისგან გამოწვეული ფატალური შემთხვევების ოფიციალური მაჩვენებლები. ამის გამომწვევ ფაქტორად შეიძლება მიჩნეულ იქნეს მხოლოდ ის, თუ როგორ ითვლიან რუსეთში კოროანვირუსით გარდაცვლილთა რაოდენობას.

დაავადების გავრცელების ეპიცენტრში, მოსკოვში ჯანდაცვის უწყების წარმომადგენელთა ნაწილმა უკვე აღიარა, რომ კორონავირუსით დაღუპული ადამიანების 60 %-ს სხვადასხვა საავადმყოფოებში გარდაცვალების გამომწვევ მიზეზად დაუფუქსირეს გულის შეტევები, მე-4 სტადიის კიბო და სხვა უნკურნებელი დაავადებები.

ადგილობრივი მედიკოსების განცხადებით, კორონავირუსისგან დაღუპულ ადამიანებში იმ პირებს აღრიცხავენ, რომელთა სხეულის გაკვეთის შემდეგ ნათელი ხდება, რომ ისინი კოვიდ 19-ს ემსხვერპლნენ.

ერთ-ერთმა მედიის წარმომადგენელმა CNN-თან ინტერვიუში განაცხადა: „ექიმები გვიკავშირდებიან სხვადასხვა საავადმყოფოებიდან, სადაც იმყოფებიან კორონავირუსით ინფიცირებული პაციენტები, მაგრამ ნაცვლად იმისა, რომ ჯანდაცვის უწყებამ განაცხადოს, რომ ისინი კოვიდ ინფიცირებულები არიან, მათ დიაგნოზად უსვამენ პნეუმონიასა და სხვადასხვა რესპირატორულ ვირუსულ ინფექციებს“.

უკანასკნელი პერიოდში გავრცელებულმა სტატისტიკურმა მონაცემებმა საავადმყოფოებში გარდაცვლილ ადამიანთა მასშტაბურ რაოდენობასთან დაკავშირებით საზოგადოებაში გააჩინა სერიოზული ეჭვები ხელისუფლების მიერ კორონავირუსით გარდაცვლილი ადამიანების რაოდენობის დამალვაზე, თუმცა აღნიშნული ფაქტი ჯანდაცვის უწყების მაღალჩინოსნებმა შეაფასეს, როგორც რიცხვებით მანიპულირება.