რუსეთში ეპიდემიის გავრცელებას ისევ ვერ აკონტროლებენ- ზედიზედ მე-15 დღეა, რაც ყოველდღიური ინფიცირების შემთხვევათა რაოდენობა 11 000-ს შეადგენს. უკანასკნელ 24 საათში 113 ადამიანი დაიღუპა კოვიდ 19-ისგან.

განსაკუთრებით მძიმე მდგომარეობა მოსკოვშია, სადაც ვირუსით ინფიცირების 130 000-ზე მეტი შემთხვევაა აღრიცხული. ოფიციალური მონაცემების თანახმად დედაქალაქში 1300-ზე მეტი პაციენტი კოვიდ 19-ისგან გარდაიცვალა. ამ დრომდე საავადმყოფოში იმყოფება კრემლის პრესსპიკერიც. დიმიტრი პესკოვს ორმხრივი პნეუმონია აღენიშნება. ინფიცირებულთა შორისაა აგრეთვე მთავრობის რამდენიმე წევრი, მათ შორის პრემიერ-მინისტრი.

ამ დროისთვის რუსეთი მეორე ადგილზეა ამერიკის შემდეგ კორონავირუსით ინფიცირებული პაციენტების აქტიური რაოდენობით- 202 199 ადამიანი მკურნალობას გადის რუსეთის ათასობის სხვადასხვა კლინიკაში. ჯანდაცვის სამინისტროს მონაცემებს არ ენდობა მოსახლეობის უდიდესი ნაწილი- ადგილობრივი მედიის ინფორმაციით, ხელისუფლება მალავს ინფიცირებულთა იმ მასშტაბურ რაოდენობას, რომლებიც დაფიქსირებულია რუსეთის აღმოსავლეთ რეგიონებში, სადაც ბოლო პერიოდში მომძლავრდა პნეუმონიის შედეგად გარდაცვილთა რიცხვიც.

მედიის ინფორმაციით, კოვიდ 19-ით გარდაცვლილთა 60 %-ის მიზეზად რუსეთში აღრიცხეს გულის შეტევა, მე-4 სტატიის სიმსივნე და სხვა განუკურნებელი დაავადებები.