ავსტრალიის ყველაზე ხალხმრავალ შტატში კორონავირუსის გამო ორთვიანი ტოტალური კარანტინის შემდეგ რესტორნები, კაფეები და ბარები გაიხსნა.

ახალი სამხრეთ უელსის შტატში საკარანტინო შეზღუდვების შემსუბუქება მას შემდეგ დაიწყეს, რაც ეროვნული სტატისტიკის ოფისმა წარმოადგინა უპრეცედენტოდ მაღალი რაოდენობა სამსახურების დაკარგვისა აღნიშნულ რეგიონში, რის შემდეგაც პრემიერ-მინისტრმა, სკოტ მორისონმა განაცხადა, რომ უარესი მდგომარეობა ჯერ კიდევ წინ იყო.

„მიუხედავად იმისა, რომ ჩვენ არ უნდა აღვნიშნავდეთ და ვზეიმობდეთ იმ რთული გარემოებების გათვალისწინებით, რომელთა წინაშეც ვიმყოფებით, განსაკუთრებით კი გუშინდელი უმუშევრობის რაოდენობით, მისასალმებელია იმ ფაქტზე, რომ ჩვენ ნელ-ნელა ვბრუნდებით“- განაცხადა მორისონმა.

სიდნეის კაფეებში, რესტორნებსა და ბარებში ერთდროულად 10 ადამიანზე მეტის მომსახურება იკრძალება, აგრეთვე სავალდებულოა სოციალური დისტანციის დაცვაც.

ადამიანები ერთმანეთს ულოცავდნენ აღნიშნულ მოვლენას და ემოციებს ვერ მალავდნენ, რომ მათ შეეძლოთ კაფეში ჯდომა თავის მეგობრებთან ერთად და საუბარი სხვადასხვა თემებზე.