ევროპარლამტარმა და ევრონესტის საპარლამენტო ასამბლეის თავმჯდომარემ ანდრიუს კუბილიუსმა ტვიტერის საკუთარ გვერდზე ისაუბრა ეროკავშირისგან საქართველოსთვის განკუთვნილ ფინანსურ დახმარებაზე. მისი თქმით, ევროკავშირი ოფიციალურ თბილისს კორონავირუსით გამოწვეული კრიზისის ფონზე ეკონომიკუს გასაჯანსაღებლად აღმოუჩენს ფინანსურ დახმარებას 500 მილიონი ევროს ოდენობით, თუმცა აღნიშნული დახმარების მისაღებად საქართველომ უნდა განახორციელოს დაპირებული საარჩევნო და სასამართლო რეფორმები და აგრეთვე უნდა მოახდინოს კანონის უზენაესობის დაცვა. ანდრიუს კუბილიუსი ბოლო რამდენიმე დღეა აქტიურად მოუწოდებს საქართველოს ხელისუფლებას შეასრულონ ელჩებთან და ევროკავშირთან დადებული 8 მარტის ხელშეკრულების პირობა, პოლიტპატიმრების გათავისუფლებასა და საარჩევნო რეფორმასთან დაკავშირებით.

ევროკავშირის აღმოსავლეთ პარტნიორობის ოფიციალურ საიტზე გამოქვეყნებულია ევროპარლამენტში არსებული ევრონესტის საპარლამენტო ასამბელის ხელმძღვანელის, ანდრიუს კუბილიუსის განცხადება.

„აღმოსავლეთ პარტნიორობის რეგიონის არის ევროპის ნაწილი და იგი ევროკავშირში უმნიშვნელოვანეს გეოსტრატეგიულ პრიორიტეტს წარმოადგენს. ევროკავშირმა სწრაფადვე მიიღო უამრავი ნაბიჯი აღმოსავლეთ პარტნიორობის ქვეყნების მხარდასაჭერად, კოვიდ 19-ის პანდემიის ფონე სოციალური და ეკონომიკური გამოწვევებისათვის გასამკლავებლად. საერთო ჯამში ევროკავშირი გამოყოფს 3 მილიარდ ევროს ევროკავშირის მეზობლებისთვის , რომელთაგან 962 მილიონი ევრო უშუალოდ აღმოსავლეთ პარტნიორობის რეგიონის ქვეყნების, მათ შორის საქართველოს დასახმარებლად იქნება გამოყოფილი“.

„როგორც ევროპარლამენტის დელეგაციის თავმჯდომარე ევრონესტის საპარლამენტო ასამბლეაში, მსურს გავამახვილო თქვენი ყურადღება იმასთან დაკავშირებით, რომ საქართველოს ევროკავშირისა და საერთაშორისო პარტნიორებისგან აღნიშნული პანდემიური სიტუაციის ფონზე გამოეყოფა 500 მილიონი ევროს ოდენობის ფინანსური დახმარება, რომელიც ეკონომიკური და სოციალური პრობლემების აღმოფხვრაში დაეხმარება“

„ამ მხარდაჭერის მთავარი კომპონენტი უკავშირდება საქართველოს მიერ ნაკისრ ვალდებულებებს, განსაკუთრებით კანონის უზენაესობის საკითხში, კორუფციასთან ბრძოლასა და საარჩევნო რეფორმას, ეკონომიკურ მმართველობასა და გამჭვირვალობას. ჩვენ აქ ვართ იმისათვის, რომ დავეხმაროთ საქართველოს, რათა ქვეყანაში იყოს სასამართლო სისტემის უმაღლესი სტანდარტი და სრულიად გამჭვირვალე საარჩევნო პროცესები. ჩვენ ყველაფერს გავაკეთებთ საქართველოს დასახმარებლად“ - აცხადებს ანდრიუს კუბილიუსი.